النوربيبدأ
على صوت آدان
الفجر ودع رحلةالليل الطويل
من بعد رحلة أبرهه
وف نفس عام الفيل
وفي اتناشر ربيع
يتهز عرش وسلطنه
وتميل ممالك ممكنه ومتمكنه
لحظة ميلاد النور في مكه
بيستبيح الأمكنه
مولود يتيم
مولود على خلق عظيم
وما بين شريعة الكفر
والجهل المقيم
النور بيبدأ
والخلاص مشدود لأسير
والنور ضرير
في عتمة الخوف والمصير
من عام لعام
الفجر عارف سكته
والحرف أبعد ما يكون الشرك
انه يسكته
والجهل معصوب للمسير الى أخرته
والرساله المسلمه
بالتسامح والتصالح جايه بتعاليم السما
بتآخي مابين البشر متوصفه
على كفي أمي
اصطفاه اللي اصطفى الأنبياء
على نور إلهي من السماء
بالحق والخير والإخاء
النور يتمم رحلة الدين الجديد
صناديد عصور الكفر راجعه من جديد
نفس الوشوش
بتستعيد نفس العروش
مع اختلاف الأزمنه
هذي الوجوه المبهمه
بالمسابح والرتوش
يخرج علينا ( ابن سلول ومسيلمه )
يرموا الحشود المسلمه
بالفتاوى الظالمه
والكفر متوزع هباء
يختص وحده بما يشاء
أو من يشاء
وكأنه وحي من الصماء
مبعوث الى هذي الحياه
مبعوث ولكن
ليه صفات من الإله
ناصر محسب