الليل بيقلب ف همومه
ويشيل ويحط ف أحزانه
يجمع وبيطرح وبيضرب
والناتج قسمة أوطانه
.......
يا وطن مش عارف توصيفه
باع حلم ربيعه لخريفه
يا ميزان الجكمه وتخاريفه
د جوابك بان من عنوانه
........
مين نصب السرك ومين شده
بين حكم الشرع وبين حده
فطروا بأحلامنا واتغدوا
مين نقض العهد ومين خانه
..........
على دم الشهدا وثوارها
اطبخ قوانينها ودستورها
وان كنت الليل احنا نهارها
والدم هيطلع ف ميدانه
...........
لاأنا كافر ولاكنتش ملحد
أنا رب سمايا اللي بيشهد
مسلم من غير حكم المرشد
مصري ومستسلم لكيانه
...........
الليل يتهجى ف أوجاعه
سابنا لخفافيشه واتباعه
ورد الميادين اللي اتباعوا
طارح ومعطر بستانه
................
ناصر محسب